Sunday, August 06, 2006

يبقى انت اكيد اكييييد في مصر !!!!

لما تغرك نفسك وتجرب تقف في البلكونة او الشباك بالليل في ليلة من ليالي الخريف في مصر و تفاجأ بسحابة من الدخان تغطي جنبات العاصمة و تسلبك اقل حقوقك في التنفس..مش بس كده فبعد أن تدخل لتنام ممتلئا بنشوة هذا المنظر الضبابي الرومانسي و تستيقظ صباحا شاعرا بحريقة في صدرك من جراء تنفسك لهذا الهباب طول الليل..ثم تطالعك صحفنا الغراء في عناوينها الرئيسية :"هبت رياح الديمقراطية !!!" ,المفاجأة بقى أن هّذة الظاهرة الميمونة تدخل عامها السابع دون حل !!!!
لما تكون طالب في الجامعة (و ما أدراك ما طالب الجامعة في كل دول العالم-عدا مصرنا طبعا) مش بس كدة..لأ و في كلية الهندسة اللي هيا المفروض كلية قمة بالمعايير المصرية و قاعد في محاضرة انت و زملاءك اللي عددهم يفوق ال 150 شخص في مدرج بلا مراوح و تقريبا بلا شبابيك و درجة الحرارة 38 في الظل !!!و ماله .. ماهو كله في سبيل العلم.. ثم تفاجأ ان البلد كلها ما فيهاش ولا جامعة من ال500 الاوائل على العالم فتسأل نفسك (على ايه كل دة ؟؟؟؟!!!!!!)
لما تكون بتاخد دورة تدريبية في احد اهم فروع الكمبيوتر انت و 30 واحد غيرك في معمل به شباكين لا غير و مراوح من مخلفات الحرب العالمية التانية.. في حين أن العمل المجاور خال تماما و بة 6 اجهزة تكييف و مفتوحة كلها حرصا على سلامة الاجهزةاللي موجودة فيه !! ( أكييد طبعا لازم نحترم الاجهزة و نحافظ عليها.... ليه؟؟؟؟؟... عشان الاجهزة بفلوس يا بني ادم !!!!!!!!!)
لما تحصل انتخابات رئاسية في بلدك و تكون مدة الحملة الانتخابية 3 اسابيع !!!!!!!!!!!!!!!!!!!!!!!!! ثم يحصل الفائز المبارك فيها على 88.5% !!!!..في حين ان نسبة المؤمنين بالله في العالم.. اااه و الله المؤمنين بالله في العالم لو تم احصاءها أقل من هذة النسبة ...استغفر الله العظيم يا رب !!!!!!! (و مييين قال ان مصر زي يقية العالم !!!)
لما يبقى فيه محتكر واحد بس لولحدة من اهم السلع الاستراتيجية (الحديد) و يقوم المحتكر ده برفع اسعار الحديد 3 أضعاف و في نفس الوقت يقوم وزير الاسكان باعطاء مهلة محددة لجميع مالكى الارض عشان يرموا الاساسات و الا هيسحبوا الاراضي منهم !!!!! يا ريت على كدة و بس .....دة كمان الراجل دة عضو بارز في اهم لجنة في الحزب الوطني لجنة (جيمي) ..قصدي لجنة السياسات وكمان يكون هو مهندس الحملة الانتخابية للرئيس !!!!!!!!!!!!!!
لما تبقى البلد في أزمة اقتصادية طاحنة (يا ريتها اقتصادية و بس !!!) و 50% من الشعب متشعبتين في خط الفقر ..وترى ازدحام الناس علىياميش و المكسرات (لزوم رمضان طبعا) و لا كأنه الشعب السويسري ثم تعلم أن البلد استوردت هذا الياميش بما عادل ال80 مليون دولاااار !!!!!!!!!!!!!!!!!!!!!!!!!!!!!!!!!!
و بعد ده كل عايزينا نتقدم و نبقى بلد محترمة ...يا راجل بلاش قرف!


P.S : I wrote this post in 25-9- 2005,,but unfortunately I published it in the wrong place ,,,when I read M. Abo zeid`s comment today on a Saso`s post I remeberd it again ...so i guess I ll dedicate it this time to M.Abo zeid

4 comments:

karakib said...

Bakrah Handsa,we deraset handsa ,we sho3`l handsa,we elnas elly bedreso fe handsa ,we elnas elly beyshat3`alo fe handsa,we...taleb fe handsa
انا زيك تمام
انت هندسه ايه ؟؟
انتوك

Captain L.J.Silver said...

elhamdolellah ....a7`eeran 2abelt 7ad zay !!!!! ana handset Cairo ,,et toi ?? : )))))))))

karakib said...

moi polytechniques universtie' de Ain Shams j'etais dans une ecole francaise aussi
college de la salle
et toi ?
j'ai ecrit en francais aussi ...
wade7 enina shabah ba3d fy 7agat ktir awy
antouk

Captain L.J.Silver said...

Hey Antook !
mesh momken el sodfa el3`reeba geddan deeh ,,ana makontesh fe madrsa francaise ,ana bas kont bahzaar ,ana aslan keteer bahzzar m3a so7aby be shwyet el francaise elly 3arfhom :D,bas mesh 3aref laih we ana barod 3la el comment beta3aak 2olt akteb bel francaise mesh bel3araby ...fel3an sodfa 3`areeba ,,,,we by the way law betsta3mel MSN Meseenger momken te3melly add...madam tel3na shabah ba3d keda :
Silver_1085@hotmail.com
ashoofak qareeban ya Antook ...
Au Revoir !