Saturday, September 02, 2006

Stressed out !

فعلا أعصابي تعبانة قوي .......
أعصابي تعبانة لدرجة أني اتخانقت 5 خناقات في أسبوع و احد ....
أنا حاسس دة قوي ...الأول كان الصدمة اللي اتفاجأت بيها من ناس كنت فاكرهم أول ناس هيقفوا جنبي لو حصل لي أي حاجة ....
و بعدين موضوع مشروع التخرج و القرف بتاع الكلية ...
و جت وراهم حكاية التربية العسكرية اللي زودت الطين بلة ...و كانت الطامة الكبرى اني عرفت اني مش هاقدر أسافر في معادي السفرية اللي قعدت طول الأجازة أستناها ...هاضطر أحصل عائلتي بعد ما يسافروا بيومين .....كل دة عامل ضغط رهيب على أعصابي ...أنا حتى كنت بافكر أكتب بوست على حكاية التربية العسكرية دية بس فعلا و لا عندي طولة البال ولا مستريح عشان أقعد أكتب عنها .......فعلا أعصابي تعبانة قوي و نفسي أستريح .........

5 comments:

Lasto-adri *Blue* said...

ya ALLAAAAAH
معلش يانبى هى هندسة كدة ح تعمل ايه بقى
كلها سنة ان شاء الله وتستريح

بس معلش،،، اصبر كمان حبة الصبر جميل


بس ايه موضوع مشروع التخرج دة
انا عندى مشكلة فيه اساسا
ومخنوقه منه ومش عارفة ح فضل مأجلاه لحد امتى
:S

ربنا معاك

karakib said...

سيبك سيبك الحياه جميله روح صالح اللي خانقتهم و اقعد عالكورنيش و انت سايب ساعتك و موبايلك و شوف اي حد حلو كده يقعد جنبك هتلاقي الاحزان بتروووووووووح
انتوك

Epitaph said...

wala yehmak ya basha

fokkaha keda..wel donya troo2 insha Allah

danta 7ata tagged 3andi LoL :p

yala rawa2 ba2a ..!

LAMIA MAHMOUD said...

كلنا هذا الرجل

Jannah said...

معلش

احلى حاجة انك هتتخرج و تخلص من هم الكلية والإمتحانات و وجع القلب

ان شاء الله المشروع والتربية وكل ده هيعدى وتستريح تماما