تساؤل

أولا كل سنة و كل المسلمين طيبين و بخير ...بصراحة كده و بدون مقدمات أنا باكتب البوست دة عشان أسأل على حاجة محيراني جدا ...فقلت يمكن حد يقراه و يفيدني ..

الموضوع باختصار كدة ان انا مش مقتنع ازاي في رمضان الشياطين بتتسلسل في جهنم ...في حين مثلا ان مفيش أي حاجة بتتغيربين الناس يعني الناس بردو بتتخانق و مش مستحملة بعضها و اللي متعود على أي فاحشة من الفواحش مش بيبطل ...و الموضوع مش حكر على مصر أو البلاد الأسلامية بس ...لأا غلى مستوى العالم كله معدلات الجريمة و لا بتقل و لا حاجة و القتل و النهب و الفساد شغال على ودنه !!!!! طب ازاي بقى و مافيش شياطين ؟؟؟ و لا هيا مابقنش تفرق يعني ؟؟؟؟ أفيدونا أفادكم الله ...و رمضان كريم ...

A Disappointing Ending !!!!!!!!!!!!!!!!!!!!!!!!!!!!!!!!!!!!!!

She's more real to me than anything I've ever known !

One man I can never meet. Him, I would like to give my whole heart to.

Don't give up on me

Even though this is clearly impossible, it's amazing.

بين السبتمبرين

سبتمبر 2002
طالب متفوق خارج من ثانوية عامة ...مصدق نفسه و عايش الدور ....نزل يشتري هدوم و أدوات و قعد يحضر نفسه يجي من قبل الدراسة بشهر ...متشوق للجامعة و كل ما فيها ....."دخلت ايه يا (...) " ..برد بكل فخر و اعتزاز " هندسة القاهرة" ... يملأ عقله الأحلام الوردية و كلمات من نوع " شد حيلك بقى في المذاكرة عشان التقدير"....." خد الموضوع جد من الأول عشان التراكمي بتاعك " ....." اتعب شوية في الأول و انتا تتعين معيد بعد كده" ......مش عارف ينام ليلة أول يوم دراسة ...زأول مرة في حياته يبقى عنده دراسة يوم السبت ..بس من كتر التفكير مش عارف ينام ....بيفكر في كل حاجة ....الصحاب اللي لسه معرفهومش ...المواد اللي لسه ما درسهاش ...الدكاترة ....الرسم الهندسي اللي كان بيمثل انه بيعمل زيه من و هوا في ابتدائي ....كل حاجة ...حتى في البنت اللي لسه ماحبهاش ...
صحي الصبح قبل المعاد ييجي بساعتين ...لبس كله جديد في جديد ...غرق نفسه في البرفان ...و شوية جيل في اللذيذ ....امال ايه ...مش"الانطباعات الأولى تدوووم " ....تصحبه دعوات الحاجة نزل من البيت .. متفاءل بالايام الجميلة اللي جاية ....
سبتمبر 2006
رجع من السفر قبل الدراسة ب 3 أيام ....مكانش ناوي يروح أول أسبوع كله أصلا ...الزحمة و الحر و القرف ...دة غير حكاية ان كله أجزته بقت السبت ده معنى كدة الكلية هتبقى عجن ...بس حظه بقى ان معاده مع الدكتور بتاع المشروع طلع في نفس اليوم فاضطر يروح ....و لا ليه نفس يشوف حد من دفعته الكئيبة ...ولا حتى صحابه "المزعومين " ...و الدكاترة طبعا هما هما بتوع القسم اللي شبع منهم طووول السنين اللي فاتت ....و لا فيهم حد يتحضر له أصلا ...هو الورق و بس ....و لا بقى عيال اعدادي بقى اللي جايين فرحانين بنفسهم و كل و احد لابس اللي على الحبل و نازل ...ولا بتوع أولى اللي عمالين يتريئوا على بتوع اعدادي و هما مغفلين أكتر منهم أصلا عشان قعدوا سنة ياخدوا على قفاهم و لسه ماحرمووش ....و كل كووم بقى و الناس النص معرفة دووول كووم تاني ...يعني و لا هما صحابك و لا هما مش صحابك ...متعرفش تسلم عليهم و لا ماتسلمش و شغلانة بقى ...دة غير طبعا بنات هندسة الفاتنات ...و حط 1276 خط تحت فاتنات دية .........المهم لبس أقرب حاجة و قعت عليها ايدة من الدولاب و راح متوكل على الله و نازل ,,و مافيش في دماغه غير جملة واحدة أهي كلها سنة و هتعدي "

لن ننسى

قد يظن البعض أن هذا ليس هو الوقت المناسب .....
و قد يظن أخرون أن هذة ليست القضية الأهم في العالم او على الأقل عالم التدوين في الفترة الحالية ....
و لعل الاهتمام انحسر عن القضية اللبنانية بأكملها مع الانتهاء المزعوم للحرب ....
و لكن ...
عذرا .....
نحن لسنا مجموعة من الغوغاء التي تثور ثائرتها فجأة و تخبو فجأة ....
نحن لسنا من العته أو اللامبالاة أو حتى الأنشغال لكي ننسى .....
أخطأنا حين نسينا ما حدث في 18 أبريل 1996 ....
106 قتلى ..و 116 جريح...
و ماذا كانت النتيجة ؟؟؟؟ ....
بعد 10 سنوات نتلقى نفس الصفعة مرة اخرى ...
و في نفس المكان ...
يوم الأحد 30 يوليو 2006....
60 قتيلا..
منهم 37 طفل ......
قد نطلق عليها حملة ...
أو مجرد تنبيه ..
لا يهم ...
المهم ..
أن نذكر أنفسنا دوما بهذا اليوم ..
أن نحفره في ذاكرتنا ...
و أن نذ كر كل من نعرفهم على قدر ما نستطيع ...
نتذكر ..
أن دماءهم
لن تذهب سدى ..
و يوما ما ...
سنثأرلهم...
و حتى يأتي هذا اليوم ...
لن ننسى
قانا ...........

A Promise Fulfiled

As I promised ,the 1st post after I get back was the answer of the tag sent to me by Epitaph ...........I really missed u all fellow bloggers

هل انت عقلانى اكثر ام عاطفى؟

عاطفي ...عاطفي جدااااااااااااا

صف شخصيتك فى خمس كلمات؟

عصبي-ملول-متسرع-حار المشاعر-خيالي

اذا كان لكل انسان شبيه من الحيوانات,أى حيوان يشبهك؟
صراحة و من غير تريقة و تمثيل والله ...الأسد......مش عشان حاجة بس عشان كسول زية شوية و أحب الأنتخة و مزاجانجي على الاخر ...و أهم حاجة لما باتجنن صوتي بيبقى عالي اويييييييييييييي

ما هو لونك المفضل؟

الأبيض

هل أنت أجتماعى اكثر ام منعزل؟

أجتماعي

ماذا يشكل أصدقائك بالنسبه لك؟

النصف الاخر من حياتي ...

هل أنت مرتبط بعائلتك؟

جدا جدا جداااااااااااااااااااااااااااااا

هل أنت عصبى أكثر أم هادئ؟

عصبي اوي اوي ......و ديه حاجة مضايقاني في نفسي جدا ...بس اهو بحاول أغيرها ....

هل تفضل فصل الشتاء أم الصيف؟

نفس اجابة ابيتاف بالمللي :
الشتا..و ريحة المطر..وليالي الشتا الدافئة مساءا...و يا سلام لو اسكندرية في الشتا يبقي احمدك يا رب

متى أخر مره بكيت فيها؟ولماذا؟

في 1 ابريل 2005 لما طلعت نتيجة الترم الأول في الكلية و لقيت نفسي شايل رياضة ....صعبت عليا نفسي أوي ساعتها .....بس أنا بردو من الناس اللي دمعتها عزيزة ...مع اني حساس اوي ( أو دة رايي على الأقل)

Time out

....بحثا عن الراحة ....أسافر

.....املا في سلام و هدوء

....بعيدا

..لعل كوابيسي تضل الطريق

P.S :for Epitaph,Thx for tagging me ,It will be the 1st thing to do as soon as I return,,Arrivaderchi !

Stressed out !

فعلا أعصابي تعبانة قوي .......
أعصابي تعبانة لدرجة أني اتخانقت 5 خناقات في أسبوع و احد ....
أنا حاسس دة قوي ...الأول كان الصدمة اللي اتفاجأت بيها من ناس كنت فاكرهم أول ناس هيقفوا جنبي لو حصل لي أي حاجة ....
و بعدين موضوع مشروع التخرج و القرف بتاع الكلية ...
و جت وراهم حكاية التربية العسكرية اللي زودت الطين بلة ...و كانت الطامة الكبرى اني عرفت اني مش هاقدر أسافر في معادي السفرية اللي قعدت طول الأجازة أستناها ...هاضطر أحصل عائلتي بعد ما يسافروا بيومين .....كل دة عامل ضغط رهيب على أعصابي ...أنا حتى كنت بافكر أكتب بوست على حكاية التربية العسكرية دية بس فعلا و لا عندي طولة البال ولا مستريح عشان أقعد أكتب عنها .......فعلا أعصابي تعبانة قوي و نفسي أستريح .........