Friday, July 28, 2006

فضفضة

حتى بعد ما قريت اللي انا كتبتة...مش لاقي سبب واحد منطقي يخليني أدخن ...يمكن أنا بدور علي السبب دة اصلا عشان اعالجة و مدخنش ...مش عارف ..طب هوا انا بادخن عشان محبط ؟؟؟طب ما الناس كلها محبطة ...بس طبعا الواحد بيبقى دايما شايف انة هو مركز الكون و ان مافيش حد بيضايق اده او بيتألم او حتى بيفرح أدة ...الحاجة الوحيدة الايجابية ان انا لسة مابقتش an official smoker ...صحابي بيقولوا ان انا لو بدأت أدخن بجد هابقى مدخن شرة جدا ...عشان انا عصبي و كدة ..وصراحة كلامهم صح ...و طوول عمري كنت بقول اني لو مشيت في السكة دية يبقى عليا السلام ...لأن أنا اساسا تخين ..فمع التدخين كمان هيبقى فية "ضغط"و"سكر" و"قلب" و "ضيق شرايين" و هيصة ....الغريب ان انا حاسس أني بدأت أدخن متأخر ...يعني في العادة الناس بتبدأ تدخن بدري عشان تعيش في دور الرجالة -زي ما الأفلام العربي علمتنا- بس طبعا دة كله هسسس ! على العموم انا لسة مش شايف نفسي "مدخن" انا لسة في مرحلة الهواية -حلوة الهواية دي- ...فيا رب بقى أشيل الموضوع دة من دماغي !

1 comments:

Anonymous said...

Great site lots of usefull infomation here.
»